Ucom ընկերությունը ապրիլի 20-ին նոր հրապարակային օֆերտա է հրապարակել, որը ուժի մեջ կմտնի 2011թ. մայիսի 21-ից։ Հին օֆերտայի հիման վրա բոլոր բաժանորդների հետ կնքված պայմանագրերի պայմանները համարվում են ամբողջովին փոխարինված նոր օֆերտայի պայմաններով:
խնդրանքով Ucom ընկերության իրավաբան Գեւորգ Աթոյանը որոշ պարզաբանումներ ներկայացրեց նոր պայմանների վերաբերյալ։ Նրա խոսքով՝ եթե բաժանորդը մինչեւ սույն թվականի մայիսի 21-ը գրավոր առարկություն չներկայացնի նոր օֆերտայի վերաբերյալ, ապա դա ընկերության կողմից կընկալվի որպես համաձայնության նշան։
Գ. Աթոյանը վստահեցրեց, որ հին օֆերտայի հիման վրա բաժանորդների հետ կնքված պայմանագրերի պայմանները էական փոփոխության չեն ենթարկվել՝ պարզապես որոշ ձեւակերպումներում հստակեցում է մտցվել։ Թե կոնկրետ ինչ հստակեցումների մասին է խոսքը՝ իրավաբանը հրաժարվեց մեկնաբանել՝ խորհուրդ տալով ինքնուրույն փնտրել տարբերությունները։
Ինչ վերաբերում է սակագների փոփոխությանը, ապա Գ. Աթոյանն ասաց, որ «Էլեկտրոնային հաղորդակցության մասին» ՀՀ օրենքի համաձայն՝ սակագները բարձրացնելու դեպքում 30, իսկ իջեցնելու դեպքում՝ գոնե 4 օր առաջ ընկերությունը պետք է տեղեկացնի իր բաժանորդներին։
«Առանց լուրջ պատճառների մենք չենք կարող սակագները բարձրացնել, դա պետք է հիմնավորենք Հանրային ծառայությունները կարգավորող հանձնաժողովում»,- ասաց Գ. Աթոյանը՝ հավելելով, որ ոչ միայն Ucom-ը, այլեւ բոլոր ինտերնետ մատակարարները Հայաստանում եւ աշխարհում նման կերպ են աշխատում։
Թե որքան են այս պահին Ucom-ի բաժանորդները՝ Գ. Աթոյանը նույնպես հրաժարվեց պատասխանել, պատճառաբանելով, թե դա առեւտրային գաղտնիք է։
|