Այս տարի առաջին անգամ Հայաստանում նախատեսվում է պետական բյուջեից ինովացիոն ծրագրերի ֆինանսավորում իրականացնել։ Այդ նպատակով կհատկացվի մոտ 170 մլն դրամ։ Այս մասին ասաց ՀՀ գիտության պետական կոմիտեի նախագահ Սամվել Հարությունյանը։ Նրա խոսքով՝ կֆինանսավորվեն նորարարական բնույթի այն ծրագրերը, որոնք կունենան նաեւ համաֆինանսավորում։
«Պետությունը ծրագրերի համար կհատկացնի գումարի 85 տոկոսը, իսկ մնացած 15 տոկոսը գիտնականը պետք է հայթայթի ինքը։ Այսինքն՝ գիտնականը պետք է պայմանավորվածություն ձեռք բերի որեւէ գործարարի հետ ծրագրի համաֆինանսավորում ստանալու համար, այնուհետեւ նոր ներկայացնի ծրագիրը»,-ասաց Ս. Հարությունյանը։ Նրա խոսքով՝ միայն պետական միջոցներով գիտությունը ֆինանսավորել հնարավոր չէ, որքան էլ պետությունը հարուստ լինի, գիտության ֆինանսավորման մեջ պետք է ներգրավվեն նաեւ մասնավոր սեկտորի ներկայացուցիչները։
«Եթե այս ծրագիրը աշխատի, ապա պետության կողմից ինովացիոն ծրագրերին տրամադրվող հատկացումները տարեցտարի կավելանան»,-ասաց ՀՀ գիտության պետական կոմիտեի նախագահը։
Այն հարցին, թե արդյոք կգտնվեն գործարարներ, որոնց գիտնականները կկարողանան համոզել համաֆինանսավորել իրենց ծրագրերը, ապա Ս. Հարությունյանը ասաց, որ արդեն իսկ կան շուրջ 10 գիտնականներ, որոնք իրենց ծրագրի համար գումար են հայթայթելել եւ դիմելու են բյուջետային ֆինանսավորման համար։
Նշենք, որ ինովացիոն բննույթի ծրագրերի ֆինանսավորման վերաբերյալ մրցույթը կհայտարարվի մայիսի վերջին։
|