Մեծանում է հետաքրքրությունը Chrome ՕՀ-ով աշխատող սարքերի հանդեպ: Դրանցից մեկը 10 դյույմ էկրանով նոր նեթբուքն է Samsung-ից՝ 1.5 ԳՀց Intel Atom երկմիջուկային պրոցեսորով ու 2 Գբ օպերացիոն հիշողությամբ: Մյուսն Acer ֆիրմայի թողարկած նոութբուքն է՝ ZGB անվամբ, որն ունի Intel Atom պրոցեսոր ու 1366×768 կետայնությամբ էկրան և Seabird կոդային անվանումը կրող պլանշետային համակարգիչը, որն աշխատում է NVIDIA Tegra 2 պլատֆորմով և ունի երկու USB և HDMI պորտեր: Seabird-ը ենթադրվում է՝ սովորական պլանշետներից կտարբերվի «գործարանային» կցված ստեղնաշարի առկայությամբ: Chrome ՕՀ-ի առավելություններից են նրա համեմատաբար թեթև աշխատանքը, ինտերնետային անվտանգությունն ու ինֆորմացիայի՝ օնլայն կրիչների վրա հենված լինելը:
|