Apple-ը երրորդ եռամսյակն անընդմեջ մտնում է բոլոր տեսակի բջջային հեռախոսներ արտադրող ընկերությունների լավագույն հնգյակի մեջ: Առաջին եռամսյակի տվյալներով` ընկերությունն ընդլայնել է իր մատակարարումը ավելի քան երկու անգամ, ցուցադրելով մի արդյունք, որն ի զորու չէ անել որեւէ այլ ընկերություն:
Ամերիկյան Apple-ը 2011 թվականի առաջին եռամսյակում ընդլայնել է iPhone-ի մատակարարման ծավալները` անցյալ տարվա նույն ժամանակաշրջանի համեմատ 114,9 տոկոսով, եւ բոլոր տեսակի բջջային հեռախոսներ արտադրող ընկերությունների ցուցակում կրկին զբաղեցրել է չորրորդ հորիզոնականը:
Ընկերությունը տեղակայվել է երրորդ հորիզոնականում գտնվող LG Electronics-ից հետո, որն իր մատակարարման ծավալները կրճատել է 9,6 տոկոսով:
|