Անցյալ շաբաթ, ավելի կոնկրետ` մարտի 28-ին, մեր հանրապետությունում մի քանի ժամով ինտերնետն ուղղակիորեն անհասանելի էր, ինչը, պարզվում է, տեղի էր ունեցել Վրաստանի 75-ամյա քաղաքացու պատճառով: Ինչպես հայտարարել է Վրաստանի Ներքին գործերի նախարարության մամուլի ծառայության ներկայացուցիչը` վրացի տատիկն արդեն ճանաչել է իրեն մեղավոր: Պարզվում է, որ նա փնտրել է պղինձ, սակայն գտել է օպտիկամանրաթելային կաբելային մագիստրալը և վնասել այն: Արդյունքում, ինտերնետից զրկվել է ոչ միայն Հայաստանը, այլև Վրաստանի մի մասը: Վրաստանի Ներքին գործերի նախարարությունը, միևնույն ժամանակ, վստահեցնում է, որ ինտերնետն «անջատող» տատիկը գործել է միայնակ և համախոհներ չի ունեցել: Մագիստրալին հասցված վնասը որակվել է որպես ոչ դիտավորյալ հանցանք: Հարուցվել է քրեական գործ, ու տատիկը, ում անունը չի հրապարակվում, հնարավոր է, որ ազատազրկվի 1-3 տարով:

ՎիվաՍել-ՄՏՍ ընկերությունը տեղեկացնում է, որ մինչև ս.թ. մայիսի 31-ը միևնույն գումարի դիմաց կանխավճարային բաժանորդները կարող են ակտիվացնել կրկնակի մեծ ինտերնետ փաթեթներ: Օրինակ, *477*20# հրահանգն ուղարկելու դեպքում բաժանորդի հաշվից կգանձվի 400 դրամ, սակայն 10-ի փոխարեն բաժանորդը կստանա 20ՄԲ ծավալով ինտերնետից օգտվելու հնարավորություն: Փաթեթ կարելի է ակտիվացնել` հավաքելով *477*փաթեթի չափը# և սեղմելով զանգահարելու կոճակը: Կանխավճարային բաժանորդների համար յուրաքանչյուր փաթեթի վավերականության ժամկետը 30 օր է:

Այսօր` ապրիլի 8-ին, կայացավ Ինֆորմացիոն տեխնոլոգիաների ձեռնարկությունների միության (ԻՏՁՄ) 11-րդ Համագումարը, որի հանդիսավոր բացմանը ողջույնի խոսքով հանդես եկան ԻՏՁՄ նախագահ Հովհաննես Ավոյանը և ԼՂՀ տնտեսական զարգացման նախարար Կարեն Եսայանը: Ինչպես իր ելույթում ընդգծեց Հովհաննես Ավոյանը` նախորդ հանրագումարից մինչ այսօր ընկած ժամանակահատվածում ԻՏՁՄ-ը ունեցել է զգալի ձեռքբերումներ, ինչի մասին խոսում են միության կողմից կազմակերպված միջոցառումներն ու իրականացված բազմաբնույթ ծրագրերը: ԻՏՁՄ նախագահը վստահորեն փաստեց. «Հայաստանի ՏՏ ոլորտում անընդմեջ առաջընթաց է արձանագրվում»: Հատկանշական է, որ Հովհաննես Ավոյանը, միևնույն ժամանակ, նշեց, որ գերակա ճյուղ հայտարարաված տեղեկատվական տեխնոլոգիաների ոլորտում այսօր չկան բավարար թվով մասնագետներ։ Այս ուղղությամբ, ԻՏՁՄ նախագահի փոխանցմամբ, արդեն այս տարվա ընթացքում միությունը լուրջ քայլեր է ձեռնարկել ... Կարդալ ամբողջը »

Ըստ Հայաստանի ոստիկանության ԿՀԴՊ գլխավոր վարչության Բարձր տեխնոլոգիաների ոլորտում կատարվող հանցագործությունների դեմ պայքարի բաժնի կողմից 2009-ին գրանցված եւ բացահայտված հանցագործությունների վիճակագրության` Հայաստանում այս ոլորտում գրանցվել է զրպարտության, ապօրինի ձեռնարկատիրության եւ համակարգչային տեղեկատվությանն ապօրինի տիրանալու մեկական դեպք, խարդախության 2, իսկ պոռնկագրական առարկաներ տարածելու 10 դեպք։

2010թ.-ին պոռնկագրական առարկաներ տարածելու դեպքերի թիվը նվազել է, հասնելով 5-ի, սակայն աճել են վնասաբեր ծրագրեր մշակելու, օգտագործելու կամ տարածելու դեպքերը, գրանցվել է նմանատիպ 4 դեպ ... Կարդալ ամբողջը »