«ԱրմենՏել» ՓԲԸ (ապրանքանիշը Beeline) հայտարարում է Beeline բջջային ցանցի բաժանորդներին «Ինտերնետ բոլորի համար» ծառայության ավտոմատ ակտիվացման մասին:
«ԱրմենՏել»-ից հայտնում են, որ «Ինտերնետ բոլորի համար» ծառայությունն ապահովում է հեռախոսի միջոցով մուտք ինտերնետ առանց լրացուցիչ կարգավորումների. բավարար է միայն հեռախոսում GRPS-ինտերնետի հետ աշխատելու ցանկացած հաշվարման գրառման/հասանելիության կետի (Access Point) առկայությունը: Գրառումը կարող է չպարունակել ոչ մի կարգավորում` «Ինտերնետ բոլորի համար» ծառայությանը միանալիս կարգավորումները սահմանվում են ավտոմատ կերպով: «Ինտերնետ բոլորի համար» ծառայությունից օգտվելիս տվյալների փոխանցման/ստացման արժեքը նվազեցվել է եւ համապատասխանեցվել բաժանորդի սակագնային պլանով նախատեսված GRPS-ինտերնետի արժեքին: Այսպես, օրինակ, «Մերոնք» կամ «Շրջապատ» սակագնային փաթեթներում «Ինտերնետ բոլորի համար» ծառայության միջոցով փոխանցած/ստացած տվյալների 1 ՄԲ արժեքը կկազմի 29 դրամ, իսկ «Ընկերներ» ՍՓ` 25 դրամ:
Նոր բաժանորդները կարող են օգտվել շարժական ինտերնետից առանց որեւէ լրացուցիչ կարգավորումների, իսկ գործող բաժանորդներին «Ինտերնետ բոլորի համար» ծառայությունն ավտոմատ կմիացվի ապրիլ ամսվա ընթացքում: Բաժանորդը կարող է ինքնուրույն միացնել ծառայությունը, հավաքելով *110*441# հրահանգը, ծառայությունն ապաակտիվացնելու համար պետք է հավաքել *110*440#:
|