«ԱրմենՏել» ՓԲԸ-ն (ապրանքանիշը` Beeline) հովանավորել է «Բիզնես գաղափարների շուկա» մրցույթը, որն անցկացվում է Հայաստանի բարձրագույն հաստատությունների ուսանողների շրջանում` Հայասատանի Գործատուների հանրապետական միության աջակցությամբ: Մրցույթն անցկացվում է երիտասարդների զբաղվածության խթանման ծրագրի շրջանակում եւ ուղղված է ուսանողների շրջանում ձեռնարկատիրական հմտությունների զարգացմանը:
«Այսօր երիտասարդների մեծամասնությունն ունեն շատ թյուր ըմբռնում աշխատանքի շուկայի եւ գործատուների պահանջների մասին: Այս մրցույթը թույլ կտա զարգացնել իրենց բիզնես-հմտությունները եւ գործնականում օգտագործել ստացած գիտելիքները: Մենք, մեր կողմից, պատրաստ ենք աջակցելու ներկայացված ծրագրերից առավել հեռանկարայիններին եւ օգնելու երիտասարդ մասնագետներին մուտք գործել շուկա», - ասել էՀայաստանի Գործատուների հանրապետական միության Գործադիր տնօրեն Գագիկ Մակարյանը:
Ավելի քան 50 աշխատանք անցել են նախընտրական փուլը եւ այսօր ներկայացվել են ժյուրիի անդամներին` կազմված կրթության եւ կառավարման փորձագետներից, ինչպես նաեւ Գործատուների միության անդամ հանդիսացող կազմակերպությունների ղեկավարներից:
Ժյուրին կընտրի 6 հաղթող, ում կցուցաբերվի ֆինանսական եւ տեխնիկական աջակցություն` իրենց գաղափարներն իրականացնելու համար:
|
