ԱՄՆ-ում լույս է տեսել Microsoft-ի հիմնադիրներից Պոլ Ալլենի «Գաղափարի մարդը, Microsoft ընկերության հիմնադրի հիշողություններ» գիրքը: Ալլենն ընկերությունը լքել էր դեռ 1983թ., սակայն շնորհիվ իր բաժնետոմսերի աշխատել էր 13,5 միլիարդ դոլար: Նա իր մեմուարներում տհաճ գնահատականներ է տալիս Բիլ Գեյթսին:
Ալլենը, ում պատկանում էր ընկերության բաժնետոմսերի 36 տոկոսը, նշում է, որ Գեյթսը ստել է եւ յուրացրել բաժնետոմսեր, մինչ ինքը բուժվում էր քաղցկեղից: Երբ Ալլենին մահացու ախտորոշում են տվել, Գեյթսն առաջարկել է յուրաքանչյուր բաժնետոմսի համար 5 դոլար, թեպետ դրանք արժեին 10: Ալլենը հրաժարվել է վաճառել դրանք, եւ պարզվել է, որ դա ամենաճիշտ որոշումն էր: Այսօր նրա ունեցվածքը կազմում է 13,5 միլիարդ դոլար:
Այսօր Ալլենը հայտնի է որպես մի քանի սպորտային թիմերի, ինքնաթիռների եւ կիթառների հավաքածուի սեփականատեր, տիեզերանավի ներդրող եւ սուզանավով զբասանավի տեր:
Գեյթսը ավելի չափավոր է իր կենցաղում, եւ մոտ 40 միլիարդ է ծախսել բարեգործության վրա: Մինչ այս գիրքը համարվում էր, որ նրանք ընկերներ են, սակայն պարզվում է, որ Ալլենը չի կարողանում ներել իր հին գործընկերոջը:
|