«ԱրմենՏել» ընկերությունը (ապրանքանիշը Beeline) հայտարարում է իրավաբանական անձանց համար «Հոսթինգ» ծառայության փորձնական կոմերցիոն շահագործման մասին: Ծառայությունը հնարավորություն է տալիս հաճախորդին «ԱրմենՏել» ընկերության հոսթինգ- պլատֆորմի վրա տեղադրել իր կայքը` դոմենի սեփական անունով: Կախված ընտրված սակագնային փաթեթից հաճախորդին տրվում է` սերվերի սկավառակի վրա որոշակի տիրույթ, մուտքի հնարավորություն (URL-hosting.beeline.am համապատասխան Login եւ գաղտնաբառ), սերվերի ադմինիստրացիա, սերվերի կարգավորումների եւ կոնֆիգուրացիաների միջոցներ, փոստային արկղեր եւ այլն:

Ծառայության շրջանակում նախատեսված է 5 սակագնային փաթեթ. Small, Medium, Office, Extra եւ Professional, որոնք փորձնական կոմերցիոն շահագործման ընթացքում տրամադրվում են անվճար: Small սակագնային փաթեթին միանալիս հաճախորդին տրամադրվում է 50 ՄԲ սկավառակային ծավալ, Medium-ի դեպքում` 100 ՄԲ, Office` 300 ՄԲ, Extra` 500 ՄԲ, Professional` 1 ԳԲ: Բոլոր սակագնային փաթեթներում նախատե ... Կարդալ ամբողջը »

Թուրք հաքերների մի խումբ կոտրել է արտասահմանյան 6713 կայք, որոնցում տեղ են գտել Հայոց ցեղասպանության մասին հիշատակումներ։

Թուրքական Internethaber-ի փոխանցմամբ՝ իրենց «1923 թուրքական խումբ» անվանող հաքերները կոտրել են արտասահմանյան կայքերը եւ թուրքերենով ու անգլերենով թողել հետեւյալ հաղորդագրությունը. «Հայկական ստերին մի հավատա, ամենամեծ ցեղասպանությունը դու ես արել, Ամերիկա՜»։

«Թուրքիայի դեմ ստորացուցիչ, վիրավորական բովանդակությամբ հայտարարություն անող բոլոր երկրների դեմ մեր գործողությունները շարունակելու ենք»,-նշվել է թուրք հաքերների հաղորդագրության մեջ։

Նշենք, որ թուրք հաքերների emPer0rshiP անվանվող խումբը հունվարի 29-ին կոտրել էր հայկական Smart Systems-ի սերվերը, որի վրա տեղադրված հայկական 295 կայքերի աշխատանքը խափանվել էր։

Վրաստանում սկսվել է մինիհամակարգիչների՝ նեթբուքերի արտադրություն:

Վրացական նեթբուքերի թողարկումը սկսվելու է հուլիսին պորտուգալական բրենդի հիման վրա՝ վրացական «Ալգորիթմ» ձեռնարկության հետ համատեղ:

Սպասվում է, որ սեպտեմբերի 15-ին նեթբուքերը կհանձնեն Վրաստանի բոլոր առաջին դասարանցիներին: Համակարգիչներում դպրոցական ծրագրեր եւ ձեռնարկներ են լինելու, հաղորդում է «Ռոսբալթը»:

Toshiba ընկերությունը վաճառքի է հանել Dynabook Qosmio T750 քամելեոն-նոութբուքը, գրում է The Register Hardware-ը: Ճապոնիայում ներկայացված նորույթն ունի հատուկ դիմերես, որը կախված դիտանկյունից փոխում է գույնը: «Շողացող օվկիանոս» անունը ստացած գույնը փոխվում է կապույտից մինչեւ կանաչ:

Արդյունքը ստացվել է հազարավոր նանոշերտերի համադրության շնորհիվ:

Նորույթն առայժմ կվաճառվի միայն Ճապոնիայում: