Netcraft ընկերության վերլուծաբանները հաշվարկել են ինտերնետում առկա կայքերի ընդհանուր թվաքանակը: Այսպես, ընկերության վերլուծաբանների հրապարակած զեկույցի համաձայն` 2010 թվականի սեպտեմբերի 1-ի դրությամբ ինտերնետ միջավայրում հաշվառվում է 227 225 642 կայք, ընդ որում, ըստ վերլուծաբանների ներկայացրած տվյալների, միայն վերջին մեկ ամսվա ընթացքում վեբ կայքերի թվաքանակն ինտերնետում զգալի աճել է` շուրջ 14 մլն-ով: Նշենք նաև, որ վեբ-սերվերների շարքում արդեն հինգ ամիս անընդմեջ իր մասնաբաժինը զգալիորեն ավելացրել է Apache վեբ-սերվերը: Վերջինիս մասնաբաժինը վեբ-սերվերների շուկայում աճել է առավելապես շնորհիվ Microsoft IIS-ի և Google-ի կողմից սպասարկվող կայքերի թվաքանակի կրճատման: Ընդհանուր առմամբ, Apache ծրագրային վեբ-սերվերը մեկ ամսվա ընթացքում ապահովել է սպասարկվող կայքերի թվաքանակի աճ` գրանցելով 10 մլն կայք իր բազայում: Ինչ վերաբերում է ոչ ամերիկյան հոսթինգային ընկերություններին, ապա, ըստ Netcraft-ի հաշվետվության, վերջիններս ցուցաբերել են սպասարկվող կայքերի թվաքանակի անկման և աճի տարաբնույթ դինամիկա: Մասնավորապես, Servage ընկերությունը մեկ ամսվա ընթացքում գրանցել է կայքերի թվաքանակի 700% աճ` ներգրավելով 1,5 մլն նախագիծ: ThePlanet.com, Savvis և GoDaddy հոսթինգային ընկերություններն էլ իրենց հերթին ապահովել են սպասարկվող կայքերի թվաքանակի աճ` միջինը 500 000-ով: Առաջատար վեբ-սերվերները (1995 օգոստոս – 2010 սեպտեմբեր) Աղբյուրը www.armtech.am
|