Orange-ն այսօր հայտարարեց Հայաստանում iPhone 4-ի պաշտոնական վաճառքի մասին: Orange-ի խանութներում iPhone 4-ը կարելի է ձեռք բերել հատուկ iPhone-ի համար մշակված սակագնային պլաններով: Այսպես, 16 և 32 ԳԲ հիշողությամբ iPhone 4 հեռախոսները կարելի է ձեռք բերել համապատասխանաբար 305 հազար և 360 հազար դրամով` Ամեն ամիս ամսական բաժանորդագրության հետ միասին: iPhone 4-ն առանձնանում է FaceTime ծրագրով, որի շնորհիվ տեսազանգի երազանքն իրականություն է դառնում: Այն աչքի է ընկնում նաև Apple-ի նորագույն Retina էկրանով, որը հեռախոսի համար երբևէ ստեղծված ամենաբարձր կետայնության էկրանն է, որն ապահովում է տեքստի, պատկերի ու տեսանյութի գերազանց որակ: iPhone 4-ն ունի 5 մեգապիքսելանոց տեսախցիկ` LED լուսարձակով, HD բարձր հստակությամբ տեսաձայնագրման հնարավորություն, Apple-ի A4 պրոցեսոր, գիրոսկոպ և ապահովում է 40 տոկոսով ավելի երկար խոսելաժամանակ: Այն աշխարհում ամենաբարակ սմարթֆոնն է` պատրաստված ապակուց և չժանգոտվող պողպատից` միանգամայն նոր ու գեղեցիկ դիզայնով: iPhone 4-ում տեղադրված է աշխարհի առաջատար բջջային օպերացիոն համակարգը` iOS 4-ը, որը ներառում է ավելի քան 100 նոր հնարավորություններ: Հեղափոխական App Store-ը մուտքի հնարավորություն է ընձեռում ավելի քան 200,000 ծրագրային հավելվածների, այդ թվում` նոր iMovie-ին, որը ստեղծված է հատուկ iPhone 4-ի համար:

Ինչպես նշել է Orange ընկերության մարքեթինգի տնօրեն Արամ Մկրտչյանը` iPhone 4-ը տեսազանգի հնարավորություն ունի ինչպես Հայաստանում, այնպես էլ Հայաստանից դուրս գտնվող iPhone 4-ից օգտվողների համար։

Նշենք նաև, որ աշխարհի ամենաբարակ այս սմարթֆոնը կարելի է ձեռք բերել Orange-ի բոլոր սպասարկման կենտրոններում` հատուկ iPhone 4-ի համար մշակված սակագնային պլաններով, նաև` ապառիկ:

iPhone 4-ի գնի և առաջարկի մանրամասների համար կարող եք այցելել iphone.orangearmenia.am կայքը:

Աղբյուրը www.armtech.am