ՀՀ նախագահի մրցանակը Հայաստանում` ՏՏ ոլորտի լավագույն ուսանողներին պարգևատրելու նպատակով ստեղծվել է «Սինոփսիսի» կողմից` Համահայկական հիմնադրամի հետ կնքած համաձայնագրի հիման վրա: Մրցանակակիրները ստեղծել են ակումբ, որտեղ պարբերաբար հանդիպումներ են կազմակերպվում` քննարկելու և կիսվելու համար ձեռք բերած փորձով և գաղափարներով, անցկացնում են թեմատիկ սեմինարներ և հանդիպումներ: Այս անգամ նրանց ուշադրության կենրոնում ՎիվաՍել-ՄՏՍ-ն էր` որպես տեխնոլոգիական զարգացումներին համընթաց քայլող և հեռահաղորդակցության ոլորտում նորարար ՏՏ տեխոլոգիաներ և լուծումներ կիրառող առաջատար ընկերություն:

«ՏՏ-ն Հայաստանի տնտեսության ամենակարևոր ոլորտներից մեկն է, և ապագայում դուք եք ստանձնելու այդ ոլորտի զարգացման գործը: Երկրի մրցակցային առավելություններից մեկի` ինտելեկտուալ կապիտալի կրող լինելը մեծ պատասխանատվություն է: Մեր երկիրը Ձեզ հետ կապված մեծ հույսեր ունի, և Դուք պետք է անեք ամեն ինչ` այդ հույսերն արդարացնելու համար»,-ասաց ՎիվաՍել-ՄՏՍ-ի գլխավոր տնօրենը: ՎիվաՍել-ՄՏՍ-ը կորպորատիվ պատասխանատու քաղաքացի է, որը հոգ է տանում երկրի և դրա կայուն զարգացման մասին: ՎիվաՍել-ՄՏՍ-ը շարունակում է վճռական մնալ Հայաստանի մրցունակության խթանմանը և աշխարհում մեր երկրի բարի համբավի տարածմանն ուղղված միջոցառումներին և գործունեությանը սատար կանգնելու հարցում: Դրա վառ ապացույցն են ՏՏ միջոցով մարդասիրության գործում նշանակալի ներդրման համար նախագահի համաշխարհային մրցանակի գլխավոր հովանավորությունը, ՏՏ ոլորտում «ԴիջիԹեք» էքսպոյի գլխավոր հովանավորությունը, և շատուշատ այլ ծրագրեր», – ՎիվաՍել-ՄՏՍ ընկերության մոտեցումը ներկայացնելով` նշեց Ռալֆ Յիրիկյանը:

Պարոն Յիրիկյանն ուսանողներին նաև ներկայացրեց ՎիվաՍել-ՄՏՍ-ի անցած ուղին` գործունեության առաջին օրվանից մինչև այսօր: Ուսանողները հատկապես հետաքրքրված էին այն հիմնական գործոններով, որոնք դարձել են ընկերության հաջողության երաշխիքը: Բարձրացված հարցերը նաև վերաբերում էին արդյունավետ կառավարմանը, ռազմավարությանը և որոշումների կայացմանը:

«Հաջողության բանալին մեր ներսում է: Երբ հետադարձ հայացք եմ գցում ընկերության անցած ուղուն, հասկանում եմ, որ մենք կարողացել ենք հասնել բարձունքների որոշակի հիմնարար արժեքներ ունենալու շնորհիվ, որոնք ընկած են մեր գործունեության հիմքում, այդ թվում` նորարարական մոտեցումը, որակը, առաջնորդությունը, հարգանքը, թափանցիկությունը, պատասխանատվությունը, թիմային աշխատանքը և հասարակության հանդեպ հոգատար վերաբերմունքը: Անցած բոլոր տարիների ընթացքում մենք հետևել ենք բոլոր այս արժեքներին և այսօր էլ առաջնորդում ենք, որովհետև արժանացել ենք այդ կարգավիճակին` ոչ միայն հեռահաղորդակցության շուկայում, այլև` կորպորատիվ պատասխանատվության ոլորտում իրականացվող նախագծերի շնորհիվ»,-ավելացրեց ՎիվաՍել-ՄՏՍ-ի գլխավոր տնօրենը:

Աղբյուրը www.armtech.am