Այսօր Orange Expo ցուցահանդեսի վերջին օրն էր: Երեք օր շարունակ բոլոր այցելուների համար Orange-ի գլխավոր խանութի ստորին հարկում տեղակայված հատուկ ցուցասրահում Orange Expo ցուցահանդեսի շրջանակներում ներկայացվեցին նորարարական ապրանքներ և ծառայություններ, որոնց մի մասը դեռ չեն գործարկվել Հայաստանում, իսկ մի մասն էլ արդեն ընկերությունը ներկայացնում է հայաստանյան սպառողին: Ցուցահանդեսում ընդհանուր առմամբ ներկայացված են նմուշներ Orange-ի գիտահետազոտական լաբորատորիաների` Orange Labs-երի ամենահետաքրքիր ապրանքներն և ծառայությունները: Հատկանշական է, որ առաջին անգամ Orange Expo-ն անցկացվում է Orange տեխնոկենտրոնի սահմաններից դուրս:
Հայաստանում Orange Expo ցուցահանդեսը ներկայացվեց մի քանի հիմնական բաժիններով: «Թվային տուն» բաժնում ներկայացված էին Liveradio Vintage թվային ռադիոն, Set Top Box սարքավորումը, որը թույլ է տալիս բարձր հստակության HD որակով հաստատել արբանյակային կապ և ապահովել IP հեռուստատեսություն, ինչպես նաև Livephone Тouch նոր սերնդի հեռախոսը և Home Library-ն, որը թվային կոնտենտը պահելու համար նախատեսված սարքավորում է և որը կարելի է միացնել Flybox մոդեմին: «Շարժման մեջ» բաժնում ներակայցված էր LG ժամացույց Orange-ից, սարքավորում, որը թույլ է տալիս ստեղծել սեփական WiFi աղբյուրը և մի շարք այլ տեխնոլոգիաներ:
«Orange-ը Հայաստանում, ինչպես ամենուր, ներկայանում է որպես նորարար բրենդ և մենք այսօր երջանիկ ենք Հայաստանում ներկայացնել Orange Ֆրանս Տելեկոմի լաբորատորիաներում մշակված այս տպավորիչ նմուշները: Մեր ընկերության համար տեխնոլոգիաները չեն նորարարության նպատակը, այլ բաժանորդը: Մենք կարծում ենք, որ օգտագործողները չպետք է մտածեն տեխնոլոգիաների բարդության մասին, իսկ նորարարությունները պետք է ծառայեն մեր հաճախորդների կյանքն ավելի հարմարավետ, ավելի գունագեղ ու պարզապես ավելի լավը դարձնելու համար», – ցուցահանդեսի շրջանակներում նշել է Orange-ի գլխավոր տնօրեն Բրունո Դյութուան:
«Այս ցուցասրահում ներկայացված են ինչպես ապրանքներ և ծառայություններ, որոնք դեռ չեն գործարկվել Հայաստանում և մեզ համար ապագայի չափանիշն են, այնպես էլ ծառայություններ, որոնք արդեն մեր ընկերությունը ներկայացնում է հայաստանյան սպառողին, սակայն դեռ չեն մեկնարկել եվրոպական երկրներում: Այս վայրում մենք իսկապես ապագայի ու ներկայի սահմանագծին ենք և պատահական չէ, որ ցուցահանդեսի կարգախոսն է «ապագան այսօր է»», -ավելացրել է Orange-ի Մարքեթինգի տնօրեն Արամ Մկրտչյանը:
Նշենք, որ Orange Labs-երը Orange Ֆրանս Տելեկոմ Խմբի համաշխարհային նորարարական լաբորատորիաների ցանցն են կազմում, որտեղ աշխատում են 50 տարբեր ազգությունների 3500 գիտաշխատողներ, շուկայագետներ, դիզայներներ`4 մայրցամաքների 18 երկրներում: Տարեկան 350 պատենտ ունեցող պորտֆոլիոյով նրանք նպաստում են նորարական և հեշտ օգտագործվող ինտեգրված ծառայությունների նոր սերնդի զարգացմանը: Տեխնոկենտրոնը, օգտվելով Orange Labs-երում ստեղծված գաղափարներից և տեխնոլոգիաներից, մշակում և առաջարկում է ճիշտ ապրանքներն ու ծառայություները ճիշտ պահին, Oraneg-ի գործունեության տիրույթում որքան հնարավոր է շատ երկրների համար: Տեխնոկենտրոնի` 22 ազգության 450 աշխատակիցներն աշխատում են Փարիզում, Լոնդոնում և Ամմանում:
Աղբյուրը` www.armtech.am