Այն կանխատեսումները, որ Microsoft-ը կարճ ժամանակահատվածում աստիճանաբար կկորցինի իր դիրքերը բրուզերների համաշխարհային շուկայում, չեն իրականանում, և նման սպասումները չեն արդարացնում իրենց արդեն 3 –րդ ամիսն անընդմեջ: Microsoft-ի Internet Explorer-ի մասնաբաժինը շարունակ աճում է, ընդ որում` իր գլխավօր մրցակցի Mozilla Firefox-ի հաշվին:
Հետազոտական Net Applications ընկերությունը հրապարակել է բրաուզերների համաշխարհային շուկայի զարգացումների վերաբերյալ շատ հետաքրքիր պարզաբանումներ և վիճակագրական տվյալներ, որոնց համաձայն Internet Explorer-ի մասնաբաժինը բրաուզերների համաշխարհային շուկայում հուլիսին աճել է 0,42%-ով և, ընդանուր առմամբ, հասել 60,74%-ի: Այս նույն ժամանակահատվածում Firefox-ի մասնաբաժինը նախորդ ամսվա համեմատությամբ կրճատվել է 0,9%-ով: 2009 թվականի համեմատությամբ ներկայացված տվյալները Firefox-ի համար կրկին հուսադրող չեն: Firefox-ի մասնաբաժինն այս ժամանակահատվածում կրճատվել է 1,81%-ով: Անցած ամսվա արդյունքներով Google Chrome-ը նույնպես զիջել է իր դիրքերը բրաուզերների համաշխարհային շուկայում, սակայն համեմատաբար պակաս` 0,08%-ով, իսկ ահա Apple Safari-ը իր դիրքերը բարելավել է` ավելացնելով իր մասնաբաժինը 0,24%-ով:
Հարկ ենք համարում նշել որ չնայած արդեն երեք ամիս անընդմեջ Microsoft-ի մասնաբաժինը բրաուզերների համաշխարհային շուկայում շարունակում է աճել, այնուամենայնիվ, ընկերությունն այս շուկայում վերջին տարիների ընթացքում կորցրել է իր երբեմնի առաջատարի նշանակությունը: Նման զարգացումն առաջին հերթին պայմանավոված է շուկայում նոր, առավել հարման ֆունկցաներ ունեցող բրաուզերների ներկայացմամբ: Եվ այն փաստը, որ Եվրամիության հակամենաշնորհային կառույցները պարտադրում են ընկերությանը եվրոպացի օգտագործողներին առաջարկել Windows-ում բրաուզերի ընտրության հնարավորություն, նույնպես որոշ չափով նպաստել է շուկայում Internet Explorer-ի մասնաբաժնի կրճատմանը: Այս ամենի հետ մեկտեղ, այնուամենայնիվ, Microsoft-ի բրաուզերը շարունակում է մնալ որպես հայտնի և շատ կիրառվող ծրագիր ինտերնետային կայքեր դիտելու համար:
Նշենք, որ Internet Explorer-ի նոր` 9-րդ տարբերակը, շուկայում կհայտնվի այս տարվա սպետեմբերին: Ընկերությունը խոստանում է, որ այն յաշխատի առավել արագ և կունենա նոր և թարմացված ֆունկցիաներ:
Աղբյուրը www.armtech.am