«ԱրմենՏել» ընկերության (ապրանքանիշը Beeline) գլխավոր գրասենյակում տեղի է ունեցել «Աշնանային հեքիաթ» միջազգային հեղինակավոր երաժշտական մրցույթի հաղթող` Հայաստանի մանկական կամերային նվագախմբի մեծարման միջոցառումը:

«ԱրմենՏելի» մամուլի ծառայության ղեկավար Անուշ Բեղլոյանը շնորհավորել է պատանի երաժիշտներին նվագախմբի հիմնադրման առաջին տարեդարձի եւ հաղթանակի կապակցությամբ` հանձնելով ընկերության կողմից հուշանվերներ: Տոնական միջոցառումից հետո պատանի երաժիշտների համար կազմակերպվել է շրջայց Beeline Հաճախորդների սպասարկման կենտրոնում:  

«Հայաստանի մանկական կամերային նվագախումբը Հայաստանի առաջին երաժշտական նվագախումբն էր, որ մասնակցեց Պրահայում կայացած «Աշնանային հեքիաթ» փառատոնին եւ պատվով ներկայացրեց Հայաստանը: Վստահ եմ, որ այս հաղթանակն առաջինն է ապագա հաջողությունների շարքում եւ միջազգային բեմում մեզ սպասում են բազմաթիվ մրցանակներ», - ասել է Բեղլոյանը:

Նշենք, որ «Աշնանային հեքիաթ» միջազգային երաժշտակ ... Կարդալ ամբողջը »

Ամերիկյան Xi3 ընկերությունը պաշտոնապես ներկայացրել է Xi3 Modular Computer անվանմամբ մոդուլային համակարգիչը, հայտնում է Lenta.ru-ն։

Համակարգիչն իրենից խորանարդ է ներկայացնում։ Xi3 համակարգը կազմված է 3 մինի-պլատաներից, ալյումինե պատյանից։ Համակարգիչն ընդունակ է աշխատել 20Վտ-ով։

Համակարգչի փոքր մոդելը 849 դոլար արժեքով ԱՄՆ-ում հանվել է սահմանափակ վաճառքի, հայտնում է Computerworld-ը։ Սարքը լայն վաճառքի կհանվի 2011 թվականի սկզբին։

Ralph Lauren նորաձեւության տունն առաջինը աշխարհում իր գովազդը ներկայացրել է 4D ձեւաչափով: Լոնդոնյան խանութի ֆասադին տեղադրված գովազդը հոլոգրաֆիկ տեսահոլովակ է:

Անցորդները վախեցել են քառաչափ էֆեկտից, որի շնորհիվ պոլոյի հռչակավոր խաղացողը բառացիորեն դուրս է ցատկել գովազդից: Իրականության զգացումն այնքան մեծ է եղել, որ հոլոգրաֆիկ պատկերի փշրված բեկորներից մարդիկ հետ են ցատկել, գրում է Mignews-ը:

Լոնդոնյան տեսարանը գրեթե կրկնել է 19-րդ դարի «Գնացքի ժամանման» առաջին կինոցուցադրման հանդիսատեսների զգացումը:

Պարբերաբար Հայաստանը մասնակիորեն զրկվում է ինտերնետ կապից։ Հայաստանում ինտերնետի բացակայությունը հայաստանյան ինտերնետ մատակարարների կողմից հիմնականում պատճառաբանվում է Վրաստանում օպտիկա-մանրաթելային մալուխի վնասմամբ, որով Հայաստանը միանում է համաշխարհային ցանցին: Արդյունքում` ժամանակ առ ժամանակ մեր երկիրը մնում է գրեթե առանց ինտերնետի:

Սակայն «Ինտերնետ հանրություն» ՀԿ-ի խորհրդի փոխնախագահ Ալբերտ Տոնեյանը NEWS.am- Ինովացիայի թղթակցի հետ զրույցում ասաց, որ Հայաստանում ինտերնետի խափանումները կապել միայն Վրաստանի հետ՝ միշտ չէ, որ ճիշտ է։ Նրա խոսքով՝ ինտերնետի որակը եւ ընդհատումները բացատրվում են նաեւ Հայաստանում ինտերնետի օգտագործման ծավալների եւ արտաքին կապուղիների քիչ լինելով։

«Եթե մեծ քանակությամբ բաժանորդներ լինեն եւ բազմաթիվ կապուղիներ լինեն, կապի որակի փոփոխությունն ակնհայտ կդառնա։ Կշատանան օգտվողները, կավելանա ինտերնետի թողունակությունը, իսկ ընդհատումներ չեն լինի»,-ասաց Ա. Տոնեյանը։ Նրա խոսքով՝ ... Կարդալ ամբողջը »