Վաղը` հոկտեմբերի 22-ին, կկայանա «ԱրմՌոբոտիքս ակումբ»-ի առաջին հանդիպումը: Այս ակումբի նպատակն է համախմբել տեխնոլոգիական ոլորտով և ռոբոտաշինությամբ հետաքրքրված երիտասարդներին, հնարավորություն տալ մասնակիցներին քննարկել ոլորտին վերաբերող և իրենց հետաքրքրող հարցերը, ինչպես նաև հնարավորություն տալ երիտասարդներին մշակել առաջարկներ ու իրականացնել դրանք: «ԱրմՌոբոտիքս ակումբ»-ի առաջին հանդիպման օրակարգում նախատեսվում են ելույթներ հետևյալ թեմաներով` «Հայաստանում ձեռնարկատիրության զարգացում» /ԻՏՁՄ գործադիր տնօրեն Կարեն Վարդանյան/, «Հայաստանում ռոբոտաշինության զարգացում» / Հուրնեթ ընկերության տնօրեն Արթին Բարսեղյան/, «Ակումբի նպատակները և հեռանկարները»: Հանդիպումը կկայանա հոկտեմբերի 22-ին ժամը 19:15 ՀՊՃՀ /Պոլիտեխնիկ/ 13-րդմասնաշենք առաջին հարկում:

Նշենք նաև, որ ArmRobotics առաջնությունն, որի կազմակերպիչն է Տեղեկատվական տեխնոլոգիաների ընկերությունների միությունը, առաջին անգամ անց է կացվել Հայաստանում 2008 թվականին: Հայաստանի ռոբոտների բաց առաջնությունը`ArmRobotics-ն, իրենից ներկայացնում է համահայկական երիտասարդական մրցույթ, որտեղ թիմերը մրցում են իրենց կողմից նախագծված և պատրաստված ռոբոտներով։

Աղբյուրը` www.armtech.am