"ԱրմենՏել” ընկերությունը (ապրանքանիշը` Beeline) հայտարարում է կորպորատիվ բաժանորդների համար նոր "Ընդհանուր փակ խումբ” ծառայության մեկնարկի մասին: Նոր առաջարկը և´ կանխավճարային և´ հետվճարային համակարգի բաժանորդներին թույլ է տալիս միանալ կորպորատիվ սակագնային փաթեթին` միավորելով նրանց մեկ ընդհանուր փակ խմբի մեջ: Այսպիսով, բաժանորդները կարող են միմյանց հետ խոսել հատուկ սակագնով, այդ ամենի հետ մեկտեղ ընտրելով իրենց համար առավել հարմարավետ հաշվարկային համակարգը:
Ծառայությունը հասնելի է նաև ֆիզիկական անձանց "Իմ կազմակերպություն” ծրագրի մասնակիցներին: Այն չի պարտավորեցնում իրավաբանական անձին կրելու ֆինանսական պատասխանատվություն` վճարել աշխատակիցների, նրանց ընկերների և բարեկամների հաշիվները, ովքեր ծառայության միջոցով միացել են կորպորատիվ սակագնային փաթեթին:
"Ծառայությունների պարզ և հասանելի կառավարումը Հայասատանի միասնական օպերատորի առաջնային նպատակներից մեկն է: Նոր առաջարկը կոչված է էլ ավելի պարզեցնելու ընկերության սակագնային փաթեթներին միանալու գործընթացը մեր կորպորատիվ բաժանորդների աշխատակիցների համար: Այն թույլ կտա խուսափել ավելորդ բյուրոկրատիայից և խնայել ժամանակը: "Ընդհանուր փակ խումբ” ծառայության ներդրումը թույլ կտա մեր բիզնես-գործընկերներին օպտիմալացնել հեռախոսակապի ծախսերը, իսկ ընկերության աշխատակիցներին` շփվել իրենց ընկերների, հարազատների և մտերիմների հետ արտոնյալ սակագնով”, – նշեց "ԱրմենՏել” ՓԲԸ Գլխավոր տնօրեն Իգոր Կլիմկոն:
"Ընդհանուր փակ խումբ” ծառայությունից օգտվելու համար անհրաժեշտ է միանալ այն սակագնային փաթեթին, որի համար փակ խմբի ներսում գործում է տարիֆիկացում: Ծառայության տարիֆիկացումն իրականացվում է բաժանորդի սակագնային փաթեթում գործող սակագների համաձայն:
Ավելի մանրամասն տեղեկատվություն կարող եք ստանալ www.beeline.am կայքում, կորպորատիվ բաժանորդների համար բաժնում:
|
