Գլխավոր » 2011 » Մարտ » 15 » Թուրքերն արագ ուղղեցին Google-ի գծած Քուրդիստանը, իսկ Երեւանն այնտեղ դեռ Էրիվան է
12:34
Թուրքերն արագ ուղղեցին Google-ի գծած Քուրդիստանը, իսկ Երեւանն այնտեղ դեռ Էրիվան է
Google-ի քարտեզ ծառայության մեջ Թուրքիայի կենտրոնական եւ արեւելյան մի հսկա հատված հայտնվել է Քուրդիստան անվան տակ, սակայն այս սխալը թուրքերին հաջողվել է շատ կարճ ժամանակամիջոցում կարգավորել:
Իսկ ահա հայկական կողմին երկար ժամանակ է չի հաջողվում Google-ում Հայաստանի մայրաքաղաք Երեւանի անունը թուրքերենից դարձնել անգլերեն: Այս պահի դրությամբ Երեւանը կրկին նշվում է Erivan տարբերակով:
GTUG (Google Technology User Group)-ի հայաստանյան խմբի մոդերատոր Վարդան Գրիգորյանը նշել էր , թե Երեւանի անվան համար «Քարտեզային պատերազմը» երկար պատմություն ունի։ «Ադրբեջանցիներին մի քանի անգամ հաջողվել է փոփոխության ենթարկել իսկական անվանումը, որովհետեւ Google Maps ծառայությունը սոցիալական հարցումների հիման վրա է կիրառում այս կամ այն անվանումը: Այսինքն՝ Google-ում գրանցված մարդիկ կարող են քարտեզի անվան փոփոխության հարցում ուղարկել մոդերատորին։ Ադրբեջանցի քարտեզ նկարողները սարքում են Erivan, մերոնք նորից ջնջում են եւ դարձնում Yerevan»,-նշել էր Վարդան Գրիգորյանը:
Նրա շեշտել էր, թե արդեն հարցումներ են ուղարկվել՝ սխալ ինֆորմացիան ջնջելու համար եւ երբ այն հաստատվի, կլինի նորից ճիշտ տարբերակը:
Հիշեցնենք, որ Google-ի քարտեզում փոփոխություն կարող է կատարել ցանկացած ոք, պարզապես անհրաժեշտ է, որպեսզի փոփոխությունը հաստատի գլխավոր մոդերատորը: Իսկ այդ գործընթացին կարող է նպաստել մեծ թվով մարդկանց փոփոխության հաստատումը: Օրինակ` սոցիալական ցանցերով տեղեկացնել եւ մեծ թվով մադկանց ուղղել դեպի փոփոխության հաստատման էջ: