Orange-ը շարունակում է ընդլայնել իր ծածկույթը: «Օրանժ Արմենիա» ընկերության հայտարարության համաձայն` Orange-ի ձայնային և ինտերնետ ծառայություններն արդեն հասանելի են դառնում մի շարք հեռավոր քաղաքներում և գյուղերում, մի շարք զբոսաշրջային վայրերում, իսկ կապը ուժեղանում է միջպետական նշանակություն ունեցող մայրուղիների վրա: Ցանցի ընդլայնման վերջին աշխատանքների շնորհիվ Orange-ի ծածկույթում են հայտնվել Ջերմուկը, Գառնին, Ագարակը, Զանգեզուրը, Ստեփանավանը, ինչպես նաև Վայոց Ձորի, Արմավիրի, Արարատի և Արագածոտնի մի շարք գյուղեր: Լայնածավալ աշխատանքներ են տարվել նաև ճանապարհների և մայրուղիների վրա ծածկույթի բարելավման ուղղությամբ, որի արդյունքում ներկայումս ամբողջությամբ ծածկույթով են ապահովված դեպի Իրան տանող մայրուղին, ինչպես նաև գյուղերը մարզկենտրոններին միացնող ճանապարհներ:Ցանցի ընդլայնման և հզորացման առումով ընկերությունը ինտենսիվ աշխատանքներ է իրականացնում, որի արդյունքում ամեն շաբաթ մոտ 5 նոր բազային կայան է տեղադրվում Հայաստանի տարբեր մարզերում:
Այսօր Orange-ի ցանցը ծածկում է Հայաստանի բնակչության ավելի քան 85%-ը, որը 2010 թվականի վերջին կհասնի մոտ 95%-ի:
Օրանժ Արմենիան, որը Ֆրանս Տելեկոմ Խմբի մասն է կազմում, Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը 2009թ. Հայաստանում կատարել է 140 մլն եվրոյի ներդրումներ, և ապահովում է բջջային կապի և գերարագ ինտերնետի հասանելիությունը Հայաստանի 500 քաղաքներում և գյուղերում։
Աղբյուրը www.armtech.am