Ֆիննական Nokia ընկերությունը՝ աշխարհում բջջային հեռախոսների խոշորագույն արտադրողը, հրաժարվել է բջջայինները վաճառել անսահմանափակ երաժշտական ծառայության բաժանորդությամբ, 33 երկրներից 27-ում, ներառնյալ Ռուսաստանը: Ավելի վաղ վերլուծաբանները կանխատեսում էին նման զարգացումներ:
Դրա պատճառներից մեկը DRM-ի պաշտպանության առկայությունն է, որ թույլ չի տալիս երգերը պատճենել այլ սարքավորումների մեջ: Արդյունքում ծառայությունն առայժմ աշխատելու է միայն Չինաստանում, Հնդկաստանում, Ինդոնեզիայում, Բրազիլիայում, Թուրքիայում եւ Հարավային Աֆրիկայում:
Առաջին անգամ հեռախոսները Comes with Music (Ovi Music Unlimited անվանումը հետո է տրվել) ծառայությամբ վաճառքի են հանվել 2008թ. Մեծ Բրիտանիայում: Ծառայությունը հնարավորություն է տալիս անվճար ներբեռնել երաժշտական թրեքները որոշակի ժամակահատվածում:
|