Orange-ը 3G+ ցանցի ընդլայմանը զուգահեռ շարունակում է բացել նոր խանութներ: Այսօրվանից կգործի Orange-ի խանութ նաև Չարենցավան քաղաքում, որը Հայաստանում թվով 53-րդն է: Ինչպես տեղեկացնում են ընկերությունից` տարվա ընթացքում Orange-ը կշարունակի վաճառքի ցանցի ընդլայնումը ինչպես Հայաստանի մարզերում, այնպես էլ մայրաքաղաքում` տարեվերջին խանութների քանակը հասցնելով 8 տասնյակի:
«Այսօր մեր 3G+ ցանցն արդեն ծածկում է Հայաստանի բնակչության 93%-ը և հասանելի է մոտ 600 քաղաքներում և գյուղերում: Ծածկույթի ընդլայնման հետ միաժամանակ մենք բացում ենք նոր խանութներ, ինչպես անցյալ շաբաթ` Ստեփանավանում, իսկ այս շաբաթ` Մարտունիում, Գավառում և Վարդենիսում: Միաժամանակ, մեր բաժանորդներին ավելի մոտ լինելու համար մենք շարունակում ենք մեծացնել մեր ներկայությունը նաև մյուս քաղաքներում: Մեր բաժանորդների թիվը օրեցօր մեծանում է, և մենք ցանկանում ենք ընդունել նրանց հարմարավետ միջավայրում և արագ սպասարկել», ասաց Orange-ի գլխավոր տնօրեն Բրունո Դյութուան պաշտոնական բացման արարողության ժամանակ:
Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը Հայաստանում 2009թ. կատարել է 140 մլն եվրոյի ներդրումներ, իսկ մինչև 2010թ. վերջ կիրականացնի ևս 50 մլն դոլարի ներդրում և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի մոտ 600 քաղաքներում և գյուղերում:
Աղբյուրը www.armtech.am