Անգլերեն լեզվի Օքսֆորդի բառարանի (Oxford Dictionary of English) նոր հրատարակությունը չի ունենա իր տպագիր տարբերակը, որի պատճառն, իհարկե, ինտերնետն է և վերջինիս ազդեցությունը տպագիր գրքերի վաճառքի ծավալների վրա: Ինտերնետի անընդմեջ տարածմանը զուգընթաց աճում է պահանջարկը էլեկտրոնային գրադարանների և գրքերի նկատմամբ: Տպագիր գրքերի նկատմամբ հետաքրքրությունն աստիճանաբար և արագ տեմպերով մարում է: Oxford University Press (OUP) հրատարակչության ներկայացուցիչների հայտարարության համաձայն` անգլերեն լեզվի Օքսֆորդի բառարանի նոր տարբերակը կներկայացվի միայն էլեկտրոնային տեսքով:

Ըստ վերլուծաբանների գնահատականների և համապատասխան վերլուծությունների` տպագիր գրքերի, և հատկապես, բառարանների համաշխարհային շուկան անկում է ապրում: Տարեկան այս շուկայում գրացվում է վաճառքի ծավալների շուրջ 10% անկում: Սակայն, վերլուծաբանների կանխատեսումների համաձայն` տպագիր գրքերի շուկան կապրի դեռևս 30 տարի` անընդմեջ դրսևորելով նվազման միտում:

Նշենք, որ անգլերեն լեզվի Օքսֆորդի բառարանի երրորդ հրատարակության շուրջ աշխատանքներ են տարվել վերջին 21 տարիների ընթացքում: Նոր հրատարակության շուրջ աշխատել են 80 մասնագետներ, իսկ բառարանի նոր տարբերակը ավարտված է միայն 28%-ով:

Աղբյուրը www.armtech.am