Գլխավոր » 2011 » Հունվար » 18 » Ինֆորմացիոն տեխնոլոգիաների ձեռնարկությունների միությունը ՏՀՏ ոլորտում նոր մրցանակաբաշխություն է նախաձեռնել
22:07
Ինֆորմացիոն տեխնոլոգիաների ձեռնարկությունների միությունը ՏՀՏ ոլորտում նոր մրցանակաբաշխություն է նախաձեռնել
Ինֆորմացիոն տեխնոլոգիաների ձեռնարկությունների միությունը (ԻՏՁՄ) 2011թ. նախատեսում է տեղեկատվական տեխնոլոգիաների ոլորտում մի շարք միջոցառումներ իրականացնել։ Մասնավորապես, այս տարի առաջին անգամ կիրականացվի ՏՀՏ ոլորտի տարեմուտի տոնակատարություն եւ մրցանակաբաշխություն։թղթակցի հետ զրույցում ասաց ԻՏՁՄ հասարակայնության հետ կապերի պատասխանատու Ռուզան Ապրեսյանը։ Նրա խոսքով՝ ԻՏՁՄ-ի կողմից կպարգեւատրվեն ՏՀՏ ոլորտի տարբեր ասպարեզներում էական քայլեր կատարած եւ հաջողության հասած կազմակերպություններն ու անձինք՝ հատուկ անվանակարգերով։
ԻՏՁՄ այս տարվա ծրագրերից եւ միջոցառումներից են՝ «Շահերի պաշտպանություն եւ իրավական դաշտ» ծրագիրը, որի շրջանակներում նախատեսվում է պատրաստել եւ կառավարությանը ներկայացնել անհրաժեշտ օրենսդրական փոփոխությունների փաթեթ՝ էլեկտրոնային առեւտրով գործունեության ապահովման համար։
Կարեւոր միջոցառումներից են նաեւ Digitec Expo 7-րդ ամենամյա ցուցահանդեսը, DigiTec Business 4-րդ ամենամյա ցուցահանդես-ֆորումը, IT to Business գործնական հանդիպումների շարքը, ՏՀՏ լիդերների առանց փողկապների հանդիպում-ֆորումը, Արմռոբոտիքսը, Համակարգչային Խաղերի Նախագծման Հայաստանի Բաց Առաջնությունը։
ԻՏՁՄ-ն այս տարի կհամակարգի եւ կկազմակերպի հայկական ընկերությունների մասնակցությունը միջազգային միջոցառումներին՝ CeBit ցուցահանդեսին եւ Ինֆորմացիոն Տեխնոլոգիաների Տարածաշրջանային Միջոցառմանը։