Գլխավոր » 2010 » Մարտ » 11 » Ինչպե՞ս պաշտպանվել համակարգչային վիրուսներից
14:05
Ինչպե՞ս պաշտպանվել համակարգչային վիրուսներից
Թե Հայաստանում, թե ամբողջ աշխարհում, ըստ IBM ընկերության տեխնիկական մասնագետ Դենիս Բատրանկովի` բանկային համակարգչային-ինֆորմացիոն հիմնական վտանգները բանկոմատներից են գալիս:
Համակարգչային հակերներն, ըստ նրա` կարողանում են այստեղ տեղադրել հատուկ սարքեր, որոնք հիշում են բանկոմատային քարտի PIN կոդը: Դրա դեմ բանկերը սկսել են պայքարել նոր` 3D տիպի քարտերով, որոնք ավելի պաշտպանված են:
Նրա կարծիքով` բանկային համակարգի վրա վիրուսային հարձակումները, նոր տեխնոլոգիաների զարգացմանը զուգընթաց, գնալով էլ ավելի կմեծանան: Ի դեպ, կան այնպիսի վիրուսներ` ՚կամֆիգերՙ, ՚կիդոՙ, որոնք այնքան վտանգավոր են, որ նույնիսկ ՚Միքրոսոֆտՙ ընկերությունը 250 հազար ԱՄՆ դոլար պարգեւատրում է խոստացել նրան, ով կասի ՚կամֆիգերՙ վիրուսի ստեղծողի անունը: Բատրանկովը հանդիպել է հայաստանյան մոտ 6 բանկի հետ, այդ թվում նաեւ` ՀՀ Կենտրոնական բանկի ղեկավարության հետ եւ համակարգչային-ինֆորմացիոն անվտանգության ապահովման համար առաջարկել մոտ 120 բաղադրատոմս:Արդեն կա երկկողմ հետաքրքրություն եւ բանակցություններ են ընթանում: Նշենք, որ այս ընկերությունը զբաղվում է համակարգչային անվտանգության համակարգերով եւ համագործակցում հիմնականում բանկերի հետ:
Ինֆորմացիոն հակերներն, ըստ նրա` իրենց նպատակին հասնելու համար այսօր կիրառում են նոր մեթոդներ: Օրինակ` Բատրանկովը պատմեց, թե ինչպես Ռուսաստանում հակերները ոչ թե ուղղակի էլեկտրոնային նամակ էին ուղարկել մի անձի` իմանալու նրա հաշվեհամարի գաղտնաբառը, այլ թղթե նամակ էին բերել նրա տուն: Վերջինս հավատացել էր, որ իրեն չեն խաբում, որ նամակն իրոք բանկից էր: ՚Անվտանգության կարեւորագույն սկզբունքներից է` չվստահել անանուն եկած հաղորդագրություններին, այլ անձամբ զանգել բանկ եւ ճշտել` իսկապե՞ս փոխվում է իր հին գաղտնաբառըՙ,- ասում է Բատրանկովը: Ըստ նրա` այսօրվա անտիվիրուսային համակարգերը բացահայտում եւ ՚բուժումՙ են արդեն առկա վիրուսները եւ չեն կարողանում պաշտպանվել նոր տիպի հարձակումներից:
Պաշտպանիչ, հակավիրուսային համակարգերը, ըստ Բատրանկովի` արդյունավետ են գործում միայն այն ժամանակ, երբ չարամիտ հակերները նրա մասին չեն իմանում: Հակերներն, ըստ նրա` այսօր հիմնականում օգտագործում են ուղղորդված վիրուսային հարձակումներ` կոնկրետ կազմակերպությունների եւ կոնկրետ անձանց դեմ: Նրանք նախապես իմանում են, թե ինչ անվտանգության համակարգ է տեղադրված այդ կազմակերպությունում եւ ստեղծում այնպիսի մի վիրուս, որը չի կարող որսալ տվյալ համակարգը:
Նրա ասելով` շատ կարեւոր է` բանկը ունենա ինֆորմացիոն անվտանգության աշխատակիցներ` դա վստահություն է ներշնչում բանկի նկատմամբ: Հայաստանյան որոշ բանկերում այդպիսի աշխատակիցներ կան:
