Ամառային ամիսներին ՀՀ ինտերնետ շուկան ցուցաբերեց որոշակի դրական միտումներ: Հայաստանի առաջատար ինտերնետ պրովայդերները սպառողների ուշադրությունը գրավելու նպատակով այս երեք ամիսների ընթացքում, մեկը մյուսին հետևելով, հայտարարում էին ակցիաների, գնային նոր քաղաքանության և մատուցվող ծառայությունների շրջանակների ընդլայնման մասին: Այս ամենն, իհարկե, իր ոչ շատ էական, բայց, այնուամենայնիվ, դրական ազդեցություն ունեցավ ինտերնետ պրովայդերների կողմից առաջարկվող ինտերնետ կապի միջին արագության վրա: Այսպես, հուլիս և օգոստոս ամիսներին հունիս ամսվա համեմատությամբ հայաստանյան ինտերնետ պրովայդերների միջին արագությունների և օգտագործողների կարծիքների ցուցանիշները կրել են դրական փոփոխություն: www.speedtest.am կայքի ավելի քան 106000 այցելությունների մոտ 275000 չափումների արդյունքների հիման վրա կազմված հաշվետվության համաձայն ինտերնետ օգտագործողի ինտերնետ կապի միջին արագությունը հուլիս-օգոստոս ամիսներին զգալիորեն աճել է: Այսպես, ներկայացված արդյունքների համաձայն բոլոր պրովայդերների միջին արագությունը կազմում է 664.30 կբ/վ, ընդ որում ամենաբարձր միջին արագությունն ունի FastNet-ը (1123.47կբ/վ): Երկրորդ տեղում է Ucom-ը` 1120 կբ/վ արագությամբ, իսկ եռյակը եզրափակում է Orange-ը`1008 կբ/վ արագությամբ: Նշենք, որ հունիս ամսվա արդյունքներով ամենաբարձր միջին արագություն ապահովել էր Ucom-ը (636.66 կբ/վ):

Հուլիս-օգոստոս ամիսների արդյունքներով հայաստանյան ինտերնետ պրովայդերների միջին արագությունները` դասակարգված ըստ նվազման կարգի.

FastNet 1123.47կբ/վ
Ucom 1120.30կբ/վ
Orange 1008.35կբ/վ
Beeline 874.57կբ/վ
ADC 721.21կբ/վ
Icon 639.61կբ/վ
Cornet 542.04կբ/վ
Vivacell 533.38կբ/վ
Web 521.31կբ/վ
Arminco 420.76կբ/վ
Radionet 400.54կբ/վ
Harknet 385.45կբ/վ
Infotech 350.54կբ/վ

Այժմ անդրադառնանք www.speedtest.am կայքում տարբեր ինտերնետ պրովայդերների ծառայություններից օգտվողների` իրենց պրովայդերին տրված գնահատականներին: Պարզվում է, որ հուլիս-օգոստոս ամիսներին իր մատուցած ծառայությունների վերաբերյալ օգտվողների ամենաբարձր գնահատականին է արժանացել Ucom-ը 3.87 միավորով, երկրորդ տեղում է հունիս ամսվա առաջատար ADC-ն` 3.72 միավորով, իսկ երրորդ տեղը Beeline-ինն է` 3.67 միավորով: Ամենացածր գնահատականին է արժանացել Infotech -ը: Ստորև ներկայացված են ինտերնետ պրովայդերներն` ըստ օգտագործողների տրված գնահատականների (առավելագույնը 5 բալ):

Ucom 3.87
ADC 3.72
Beeline 3.67
Orange 3.49
Icon 3.28
FastNet 3.09
Vivacell 3.02
Web 2.76
Radionet 2.62
Cornet 2.43
Harknet 2.30
Arminco 2.21
Infotech 2.13

Այն մասին, թե ինչպես է կատարվում արագության չափումը, ինչպես են մշակվում չափումներից ստացված տվյալները և այլ մանրամասների կարող եք ծանոթանալ այստեղից http://speedtest.am/am/terms-of-service.html:

Աղբյուրը www.armtech.am