Մեկնարկել է հայկական վեբ-կայքերի ArmNet Awards-2010 մրցանակաբաշխությունը: Ինչպես նշվում է հայկական կայքերի մրցանակաբաշխության պաշտոնական էջում` մրցանակաբաշխությանը կարող են մասնակցել այն կայքերը, որոնք համապատասխանում են մրցույթի պայմաններին, մասնավորապես նախատեսված են հայկական (հայաստան+սփյուռք) շուկայի համար, ներկայացնում են Հայաստանի, հայերի, սփյուռքի մշակույթը կամ ամբողջովին պատրաստված են Հայաստանում: Բոլոր այն կայքերը, որոնք համապատասխանում են վերոհիշյալ չափանիշներից գոնե մեկին, կարող են մասնակցել մրցույթին, որի համար անհրաժեշտ է ուղղակի գրանցվել armnetawards.am կայքում և իրենց կայքում տեղադրել մասնակցի վահանակը:
Armnnet Awards մրցույթն անցկացվելու է երկու փուլով. առաջին փուլում, որը կտևի նոյեմբերի 10-30-ը, ինտերնետ օգտագործողները քվեարկում են իրենց նախընտրած կայքերի համար armnetawards.am կայքում: Երկրորդ փուլում մասնակցում են 75 կայքեր, որոնք առաջին փուլի արդյունքներով հավաքել են առավելագույն քանակով ձայներ: Միջազգային ժյուրին այդ կայքերի ցուցակից կընտրի հաղթողներին յուրաքանչյուր անվանակարգի համար: Ներկայացված անվանակարգերն են`
Դիզայն և հարմարավետություն- տրվում է լավագույն դիզայն և օգտագործելիություն ունեցող կայքին:
Ինովացիա-տրվում է այն կայքին, որը վերջին երկու տարվա ընթացում նշանակալի տեխնոլոգիական նորամուծություն է մտցրել կայքում:
Տեխնիկական կատարում- տրվում է այն կայքին, որը լավագույն կերպով իրականացրել է տեխնիկական լուծումները:
Բովանդակություն-տրվում է այն կայքին, որն ունի օրիգինալ, հետաքրքիր, նշանակալի, գրագետ բովանդակություն:
Տարվա առաջընթաց-կընտրվի ժյուրիի կողմից, տարվա ընթացքում հատուկ նվաճումներ ունեցած, կամ տեխնոլոգիական մեծ առաջընթած ունեցած կայքին: Ընդ որում, պարտադիր չէ, որ հաղթող կայքը ընդրկված լինի նախնական քվեարկության մեջ:
Ընդհանուր հաշվարկով լավագույն կայք –տրվում է այն կայքին, որը բոլոր անվանակարգերով հավաքել է առավելագույն միավորներ:
Ժողովրդական ընտրություն-անվանակարգում հաղթող կճանաչվի հանրային քվեարկության արդյունքում: ամենաշատ ձայներ հավաքած կայքը:
Հատուկ մրցանակ –Orange-Armenia ընկերության կողմից ընտրված լավագույն մոբայլ կայքի համար:
ArmNet Awards-2010 մրցանակաբաշխությունը կազմակերպում են SPMS ընկերությունը, Circle.am կայքը և Orange-Armenia ընկերությունը` ՀՀ Էկոնոմիկայի Նախարարի բարձր հովանու ներքո: Միջոցառման հիմնական նպատակն է խրախուսել ներդրումային ծրագրերը ոլորտում, ներկայացնել ինտերնետի հայկական սեգմենտի նվաճումները պետական և համաշխարհային մակարդակում, նպաստել տեղական վեբ տեխնոլոգիաների մրցունակության բարձրացմանը միջազգային շուկաներում և աջակցել վեբ տեխնոլոգիաների ներդրմանը տնտեսության տարբեր ոլորտներում:
Համահայկական մրցանակաբաշխություն շրջանակներում տեղի կունենա նաև ինտերենտային տեխնոլոգիաներին նվիրված կոնֆերանս:
P.S. Armnnet Awards մրցույթին մասնակցում է նաև armtech.am-ը: Ակնկալում ենք քվեարկությանը Ձեր ակտիվ մասնակցությունը:
</P><P align="left">Աղբյուրը` www.armtech.am</P></DIV>