Apple-ը գերազանցել է ինքն իրեն: Ընկերությունը սահմանել է ևս մեկ ռեկորդ: Այսպես, iPad-ն իր վաճառքի ծավալներով ճանաչվել է պատմության մեջ ամենահաջող և արագ վաճառվող երբեմնի արտադրանքը: Շուկայում հայտնվելու առաջին երեք ամիսներին iPad մինի-համակարգիչները վաճառվել են 4.5 մլն օրինակով` այսպիսով գեազանցելով Apple-յան ևս մեկ ռեկորդ, որը սահմանել էր iPhone-ը: 2007 թվականին շուկայում հայտնվելու առաջին երեք ամիսներին վաճառվել էր 1 մլն iPhone: Համեմատության համար նշենք, որ ավելի վաղ այս շուկայում երբեմնի առաջատար առաջին սպառողական DVD-նվագարկիչները գրանցել էին մեկնարկային վաճառքի ծավալների առավել «համեստ» ցուցանիշներ: Մեկ եռամսյակում համաշխարհային շուկայում վաճառվել էր միայն 350 հազար DVD-նվագարկիչ:Նշենք նաև, որ DVD-նվագարկիչներից պահաջվեց շուրջ 5 տարի, որպեսզի հասնեն այն արդյունքներին, ինչ ապահովել է Apple-ը միայն երեք ամիսների ընթացքում:

Վերլուծաբանների գնահատմամբ, եթե, Apple-ի հաջողվի վաճառել iPad համակարգիչներ այս նույն արագությամբ, ապա iPad-ը կարող է ուղղակիորեն դառնալ սպառողական էլեկտրոնիկայի շուկայի ամենապահանջված սարքը` հեռուստացույցից, սմարֆոններից և նոթբուքից հետո:

Հիշեցնենք, որ Apple ընկերությունը սպառողների դատին էր ներկայացրել իր նոր iPad համակարգիչները տարեսկզբին: Վերջիններս սկզբունքորեն տարբերվում են շուկայում առկա մյուս նմանատիպ համակարգիչներից` համարվելով սենսորային տեխնոլոգիաների վերջին նվաճումը: Իր տեսակով iPad-ը միջանկյալ տեղ է զբաղեցնում սմարտֆոնի և նոթբուքի միջև: Այս համակարգիչներն ունեն սենսորային էկրան` 9,7 դույմ անկյունագծով, ինչը հնարավորություն է տալիս կարդալ էլեկտրոնային գրքեր և դիտել ֆիլմեր: iPad-ի ընդհանուր հիշողությունը 64 գեգաբայթ է: Այն ունի նաև Wi-Fi, blue-tooth և մի շարք այլ ֆունկցիաներ և կշռում է ընդամենը 700 գրամ:

Աղբյուրը www.armtech.am