Android օպերացիոն համակարգով աշխատող սմարթֆոնների վաճառքի ծավալները մեկ տարվա ընթացքում աճել են շուրջ 886%-ով: Canalys հետազոտական գործակալության հաշվետվության համաձայն` սմարթֆոնների համաշխարհային շուկայում 2010 թվականի երկրորդ եռամսյակի ընթացքում վաճառվել է 62,414 մլն սմարթֆոն, որոնցից 10,689-ը` Android օպերացիոն համակարգով: Հատկանաշական է, որ հաշվետու այս ամիսների արդյունքներով նախորդ տարվա համեմատությամբ սմարթֆոնների համաշխարհային շուկան գրանցել է 64% աճ, իսկ շուկայում վաճառքի ծավալների աննախադեպ աճ ապահովել են Android օպերացիոն համակարգով աշխատող սմարթֆոնները, որոնց նկատմամբ սպառողների պահանջարկը վերջին մեկ տարվա ընթացքում դրսևորում է անընդմեջ աճման միտում: Այս հանգամանքով պայմանավորված, Android օպերացիոն համակարգով աշխատող սմարթֆոնների մասնաբաժինը համաշխարհային շուկայում 2,8%-ից աճել է և հասել շուրջ 17,1%-ի: վերլուծաբանների գնահատմամբ` Google-ի օպերացիոն համակարգով բջջային հեռախոսների նկատմամբ պահանջարկի աճն առավելապես պայմանավորված է շուկայում այս համակարգով աշխատող այնպիսի մոդելների ներկայացմամբ, ինչպիսիք են Motorola Droid և HTC Desire սմարթֆոնները:

Ներկայացված հաշվետվության համաձայն` սմարֆոնների համաշխարհային շուկայում իր կայուն` 13,5% մասնաբաժնով երկրորդը Apple-ն է: Ընկերությունը հաշվետու երեք ամիսների ընթացքում համաշխարհային շուկայում վաճառել է 8,4 մլն երրորդ և չորրորդ սերնդի iPhone:

Հատկանաշական է, որ սմարթֆոնների շուկայում դեռևս առաջատար դիրքեր ունեն Symbian օպերացիոն համակարգով աշխատող սմարթֆոնները: Եվ չնայած այս տարվա երկրորդ եռամսյակում նախորդ տարվա նույն ժամանակահտավածի համեմատությամբ համաշխարհային շուկայում վաճառվել է շուրջ 8 մլն-ով ավել օպերացոն համակարգով աշխատող սմարթֆոններ, այնուամենայնիվ, այս օպերացոն համակարգի մասնաբաժինը սմարթֆոնների համաշխարհային շուկայում կրճատվել է` 50,3%-ից կազմելով 43,5%:

Ըստ ներկայացված տվյալների` սմարթֆոնների համաշխարհային շուկայում «ամենաանհաջողակը» Microsoft-ն է: Այս ընկերության օպերացիոն համակարգով աշխատող սմարթֆոնների վաճառքի ծավալները տարեկան կտրվածքով գրանցել են զգալի անկում, իսկ ընկերության մասնաբաժինը համաշխարհային շուկայում 9%-ից նվազել է մինչև 4,9%: Վերլուծաբանների գնահատմամբ` այս իրավիճակը կարող է փոխվել, երբ շուկայում հայտնվեն Windows Phone 7 օպերացիոն համակարգով աշխատող սմարթֆոնները:

Աղբյուրը www.armtech.am