Գլխավոր » 2011 » Հունվար » 27 » Ամբողջ աշխարհում նշվելու է «Անվտանգ ինտերնետի օրը
22:21
Ամբողջ աշխարհում նշվելու է «Անվտանգ ինտերնետի օրը
Ամբողջ աշխարհում փետրվարի առաջին շաբաթվա ընթացքում նշվում է «Անվտանգ ինտերնետի օրը»: Այս առնչությամբ «Մայքրոսոֆթ»-ի հայաստանյան գրասենյակը արդեն երեք տարի է՝ անցկացնում է սեմինար- քննարկումներ հայաստանյան տարբեր դպրոցներում՝ ուսուցիչների, աշակերտների եւ նրանց ծնողների համար։
«Սեմինարների ժամանակ մենք տեղեկացնում ենք նրանց ինտերնետի առավելությունների եւ վտանգների մասին»,- NEWS.am- Ինովացիայի թղթակցի հետ զրույցում ասաց «Մայքրոսոֆթ»-ի «Գործընկերներ ուսման ոլորտում» ծրագրի ղեկավար Քրիստինե Գյոնջյանը։ Նրա խոսքով՝ տարեցտարի Հայաստանում ինտերնետի լայն տարածմանը զուգահեռ ավելանում է նաեւ դրա անվտանգության վերաբերյալ հետաքրքրությունը։
«Եթե նախկինում մենք զանգում էինք դպրոցներ եւ ասում նման սեմինարների կարեւորության մասին, ապա այժմ դպրոցներից են մեզ զանգահարում եւ հետաքրքրվում, թե երբ են լինելու սեմինարները, ուստի ծրագրում ընդգրկվող դպրոցների թիվը տարեցտարի ավելանում է»,- ասաց Ք. Գյոնջյանը։
Նրա խոսքով՝ այս տարի առաջին անգամ կանցկացվի նաեւ աշակերտական մրցույթ, որի շրջանակներում աշակերտները պետք է փոքրիկ փոքր տեսանյութ պատրաստեն, թե ինչպես են պատկերացնում «Ինտերնետը, դրա առավելությունները եւ վտանգներն իմ աչքերով» թեմայով։